नांदगावच्या नुतन नर्सिंगस्कूल मध्ये जागतिक एड्स दिन साजरा
अमूलकुमार जैन-मुरुड
ग्रामीण रुग्णालय आय.सी.टी.सी.विभागाचे समुपदेशक, सचीन जाधव, समीर धांडुरे, प्राचार्य व्ही.जी.उबाले, शिक्षक सागर माळी, मयुरी पुलेकर, नयना उबाले, ऋतुजा धोत्रे शिक्षकवृंद यावेळी उपस्थित होते.यावेळी कोरोना रोगाच्या पार्श्वभूमीवर शासनाच्या अटि,नियम व शर्तीचे पालन करून कार्यक्रमाचे आयोजन करण्यात आले होते.
यावेळी नुतन नर्सिंग स्कूलच्या विद्यार्थ्यांनी आयोजित रांगोळी स्पर्धेत उत्स्फूर्तपणे सहभाग घेऊन रांगोळी व पोस्टर्स चे सादरीकरण केले.सचीन जाधव व समीर धांडुरे यांनी परीक्षक म्हणून काम पाहिले व विद्यार्थ्यांना एच.आय.व्ही.(एड्स) या रोगाबद्दल मार्गदर्शनपर मोलाची माहिती दिली. शेवटी सागर माळी यांनी उपस्थितांचे आभार मानले.
