सातारा जिल्ह्यात आणखी एक डबल मर्डर; ३ वर्षापूर्वीची उकरून काढली बॉडी

सातारा जिल्ह्यात आणखी एक डबल मर्डर; ३ वर्षापूर्वीची उकरून काढली बॉडी

मिलिंद लोहार-सातारा

सातारा जिल्ह्यातील वाई तालुक्यातील व्याजवाडी व व्याहळी परिसरात पत्नीसह अन्य एका महिलेचा खून करुन परागंदा झालेल्या संशयित आरोपीस सातारा पोलिसांनी पकडले. ८ दिवसांपूर्वी महिलेचा खून झाल्यानंतर संशयित नितीन गाेळे याला ताब्यात घेण्यात आले. यावेळी त्याने अडीच वर्षापूर्वी पत्नीचा खून करून तो मृतदेह जंगलात पुरल्याची कबुली दिली. थरकाप उडवून देणाऱ्या या माहितीनंतर सातारा पोलीस काल पासून जंगलात खोदकाम करत आहेत.

नितीन याने पत्नीला अडीच वर्षांपूर्वी मारून कडेगाव व्याजवाडी  ता. वाई येथे पुरले आहे. दरम्यान, दुसरा मर्डर १० दिवसापूर्वी केला आहे. दुसऱ्या मर्डर चा तपास करत असताना पहिला मर्डर ओपन करण्यात पोलिसांना यश आले आहे. दरम्यान, खुनाच्या घटनेनंतर संशयित पोलिसांना गुंगारा देत होता. अखेर त्याला पकडण्यात पाेलिसांना यश आले आहे.

दरम्यान, चार दिवसांपूर्वीच फलटण मध्ये डबल मर्डर झालेला आहे. अशातच आणखी एक डबल मर्डरची घटना समोर आली आहे.