कोरेगाव मध्ये आ. महेश शिंदे यांची बाजी; आ. शशिकांत शिंदेंना धक्का

कोरेगाव मध्ये आ. महेश शिंदे यांची बाजी; आ. शशिकांत शिंदेंना धक्का

     मिलिंद लोहार-सातारा

राज्याचे लक्ष लागून राहिलेल्या सातारा जिल्ह्यात चुरशीची आणि प्रतिष्ठेची समजल्या जाणाऱ्या कोरेगाव नगर पंचायत निवडणुकीत शिवसेनेचे आ. महेश शिंदे यांच्या परिवर्तन पॅनल 13-4 ने विजयी झाले असून राष्ट्रवादीचे आ. शशिकांत शिंदे यांच्या राष्ट्रवादी पुरस्कृत पॅनलला पराभवाची धूळ चारली आहे. 

जिल्ह्यात 6 नगर पंचायती चे निकाल जाहीर झाले. यामध्ये कांटे की टक्कर असणाऱ्या कोरेगाव नगर पंचायतमध्ये आ. महेश शिंदे यांच्या पॅनल ने 17 पैकी 13 जागांवर विजय मिळवला. तर आ. शशिकांत शिंदे यांच्या पॅनल ला फक्त 4 जागांवर समाधान मानावे लागले.कोरेगावच्या विजयी उमेदवारांनी आमदार महेश शिंदे यांना खांद्यावर उचलून घेत गुलालाची उधळण करत मिरवणूक काढली.