पेठांबे गावात कृषी दिना निमित्त वृक्षदिंडी व वृक्षारोपण कार्यक्रम संपन्न

 पेठांबे गावात कृषी दिना निमित्त वृक्षदिंडी व वृक्षारोपण कार्यक्रम संपन्न

महाराष्ट्र मिरर टीम - चिपळुण 

 

महाराष्ट्र शासनाने कृषी दिन हा 1 जूलै रोजी वसंतराव नाईक यांच्या जयंती निमित्त घोषित केला आहे. महाराष्ट्र राज्यात हा दिवस कृषी दिन म्हणुन साजरा केला जातो.   या कृषी  दिनाचे औचित्य साधुन डॉ. बाळसाहेब सावंत कोकण कृषी विद्यापिठ दापोली सलग्न शरदचंद्रजी पवार कृषी महाविद्यालयाच्या  खरावते(दहिवली) यांच्या वतीने पेठांबे गावात वृक्षारोपण वृक्ष दिंडचे आयोजन केले होते.

         कृषी दिन  हा  विविध उपक्रमांनी साजरा केला जातो.  चिपळुण तालुक्यातील शरदचंद्रजी पवार कृषी महाविद्यालय खरावते(दहिवली)यांच्या ग्रामीण कृषी कार्यानुभव कार्यक्रम 2022- 23 अंतर्गत कृषी महाविद्यालयाचे प्राचार्य डॉ सुनितकुमार पाटील यांचे मार्गदर्शनाने  पेठांबे गावात कृषी दिनानिमित्त वृक्षारोपण व वृक्षदिंडीचे आयोजित करुन गावातील शेतकऱ्यांना कृषी दिनाचे महत्त्व पटवुन देण्यात आले. 

या गावातील शेतकऱ्यांना तंत्रशुद्ध शेती पिकांची माहिती व पिकसंवर्धन याबाबत कृषी महाविद्यालयातील विद्यार्थी वैभव पवार, मयुर वाघ, निहाल ठाकरे,कौतुभ दळवी, प्रथमेश खटावकर या विद्यार्थ्यांनी माहिती दिली. या कार्यक्रमासाठी सरपंच पुर्वीताई जाधव, उपसरपंच शशिकांतराव शिंदे, ग्रामसेवक व्ही.बी. गुरव, जि.प.शाळेचे मुख्याध्यापक खानसर, शाळा व्यवस्थापन समितीचे अध्यक्षा रुतृजा शिंदे तसेच ग्रामपंचायत सदस्य, ग्रामस्थ उपस्थित होते.